MIAKA 75 YA UKRISTO INYONGA

MIAKA 75 YA UKRISTO INYONGA

Kanisa katoliki Parokia ya Inyonga Jimbo Katoliki Mpanda linatarajia kuadhimisha sherehe za Jubilie ya Miaka 75 tangu kuingia kwa ukristo.

Waumini wanamshukuru Mungu kwa zawadi ya uhai , ukirtso " kwetu sisi ni Jambo la Historia, kushuhudia miaka 75. katika masuala ya Imani ni hatua kubwa sana na kila mmoja anapaswa kumshukuru Mungu kwa namna ya pekee, Mungu ametupigania kwa hali na mali hata sasa tu wazima, wapo wazee wetu ambao tangu miaka hiyo walikuwepo na wameishi maisha ya Kikristo hata sasa" amesema George Lupia.

UPADIRISHO WA SHEMAS FILBERT BALIGWA NA JOHN MUHULI

Na Suzan Kanenka Mpanda

“Tuwalinde, tuwapende, tuwaheshimu na kuwaenzi Mapdre”

Hayo yamesemwa na Askofu Mkuu wa Jimbo Kuu la Mbeya Mhashamu Baba Askofu Gervas Nyaisonga wakati wa Maadhimisho ya Misa takataifu ya kutoa daraja Takakatifu la Upadre kwa Shemas John Muhuli na Filbert Baligwa misa ziliyofanyika katika Parokia ya Karema na Buhingu.

Askofu Mkuu katika mahubiri yake ameanza kwa kuwatafakarisha waumini na Mapdre juu ya madaraka ya Padre ambapo ameeleza kuwa:-

Padre katika baadhi ya maeneo anaogopwa na hii inatokana namna anavoishi na waumini wake, wakati mwingine anaonekana na mwenye kunyang’anya haki za waumini, wakati mwingine Padre hakubariki na waumini wake, na wakati mwingine Padre anatafsiriwa kama mfadhili, mtoa misaada. Haya yote yatatokana na namna ambavyo anaishi na kuwahudumia waumini wake.

Ameongeza kuwa Padre sio jina bali ni hakikisho kwamba Yesu Kristo anaendelea kutenda kazi zake ndani ya kanisa hivyo unapewa nguvu za kuweza kutenda kwa Jinan na Nafsi ya Kristo, kupewa daraja takatifu la Upadre inamaana kwamba unapewa nguvu za Kikristo, kama Mitume walivyopewa kibali cha kuwaondolea dhambi.

Amekumbusha pia kuwa Padre ni chombo cha uumbaji mpya “ Ujio wa Yesu na sadaka vilitupa ukombozi na tunapowabatiza waumini huo ni uumbaji mpya, nasi mapadre tunayomamlaka ya kubatiza na kuwapatia watu uzima mpya. ( kwake yeye Napata uzima mpya tena uzima wa milele).

“Shemas John Muhuli na Filbert Baligwa mmepata daraja takatifu la Upadre na mnafanyika kuwa chombo cha huduma, pelekeni amani kwa watu, nendeni mkawahudumie watu kwa Roho na mamlaka mliyopewa na Kristo, Hudumieni wagonjwa, muwe mshauri, mle na  kuongea na watu kwa upendo watendeeni waamini sawa na matendo Ya Kristo, muwe mvumilivu, msiwe na hasira, wenye Hekima na mpende watu, kwa kuishi hivyo mtafurahia utume siku zote.

Matarajio ya kanisa kutokana na utume ni kuwa sadaka isiyo na mawaa, majitolea na utumishi uliotukuka, ikiwa ni pamoja na kuipenda jumuiya ya Mapadre, Watawa na waumini walei. mkienda kinyume na haya uhai wa Utume utazimika kama mshumaa…

Nanyi waamini ambao mwenyezi Mungu anawatuma watumishi wake shambani watendeeni kama mnavyowatendea watoto wenu na kuishi pamoja nao kwa upendo,wapeni ushirikiano, muwampokee kwa moyo wenu wote, kubalini huduma a kikristo zitakazotolewa ili wawe chombo bora cha Uumbaji Mpya.

Mwisho: nawaombea heri na Baraka katika Upadre, acheni watu waone matendo yenu na sio maneno.

safari ya kusimikwa kwa Askofu Mkuu Jimbo kuu la Mbeya

ASKOFU MKUU MTEULE JIMBO KUU TEULE LA MBEYA KABLA YA KUSIMIKWA

KWAKE...................Habari Picha  na matukio 

PAROKIANI MLOWO KATIKA MAPOKEZI YA AWALI..... SAFARI YA KUSIMIKWA KWAKE KUWA ASKOFU MKUU WA JIMBO KUU LA MBEYA

APOKELEWA NA MABABA KUTOKA MAJIMBO TOFAUTI : SALAMU NA MAZUNGUMZO YA HAPA NA PALE YAKIENDELEA

MH RAIS WA JAMHURI YA MUUNGANO WA TANZANIA DR JOHN POMBE JOSEPH MAGUFULI ASHIRIKI MISA YA KUSIMIKWA KWAKE KATIKA UWANJA WA SOKOINE MBEYA.... AGEUKA HALMASHAURI YA WALEI NA KUANZA KUTEMBEZA CHOMBO CHA SADAKA......

MSHAURI WA SCOUT TAIFA MHASHAMU BABA ASKOFU GERVAS NYAISONGA APOKELEWA NA KULINDWA NA SCOUT MUDA WOTE WA  MAPOKEZI JIJINI MBEYA 

MAPADRE: TUISHI UKUHANI WETU

MAPADRE: TUISHI UKUHANI WETU…………………………….   11/04/2019

Askofu wa Jimbo Katoliki la Mpanda na Rais wa Baraza la Maaskofu Katoliki Tanzania ambaye pia ni Askofu Mkuu wa Jimbo Kuu teule la Mbeya Mhashamu Baba Askofu Gervas Nyaisonga amewataka Mapadre wa kanisa katoliki kote nchini kuuishi Upadre wao.

Mhashamu Baba Askofu ameyasema hayo wakati wa Misa Takatifu ya Krisma ( Misa ya Kubariki Mafuta) iliyoadhimishwa katika Parokia ya Kanisa kuu Jimbo Katoliki Mpanda alhamisi ya tarehe 11 ambapo Mapadre, Watawa wa Kike na wakiume, vyama mbalimbali vya kitume kutoka Parokia 16 za Jimbo la Mpanda walihudhuria  .

Amesema kuwa Siku hii kwa upande wa Mapadre ni siku ya kukumbuka ukuhani wao, kujitathimini juu ya daraja takatifu la Upadre, kutambua kuwa uwepo wao katika kanisa ni faraja kwa waliokata tamaa, kutangaza habari njema, kuwafundisha na kuwaongoza waamini katika misingi ya imani ya Kanisa Katoliki.

“ kila Padre afanye tathimini ya Ukuhani wake, je? unafanana na Yesu kwa kiasi gani? Yesu ambaye ni kielelezo cha Amani, Utii, Upendo, ambaye aliyatoa maisha yake hata kufa  msalabani kwa ajili ya dhambi zetu wanadamu, Mnyenyekevu na mwenye upendo?. Waumini washuhudie huduma za mapadre na wajisikie kufanyika wana wa Mungu”.

Baba Askofu ameelezea kuwa Misa ya Kubariki mafuta hufanyika kila mwaka ambapo mafuta hubarikiwa ili kuweza kutoa huduma mbalimbali kwa waumini na ameongeza kuwa kwa kupakwa mafuta haya tutapata utakaso na kuwa wapya mbele ya mwenyezi Mungu kwa kuwa ni nguvu ya uovu.

Pamoja na hayo amewakumbusha waumini kufanya toba ya ndani  kipindi hiki cha kwaresma ambacho kinaelekea mwisho ili Yesu anapofufuka afufuke na kondoo wake, Kuishi maisha ya upendo, utii na unyenyekevu huku kila mmoja akitafakari matendo makuu ya mwenyezi Mungu katika Maisha yake.

“tunaelekea mwisho wa kipindi cha Kwaresma, kipindi cha kukumbuka mateso ya Yesu Kristo, sasa tujiandae kufufuka pamoja naye, tutafute kufanya toba ili tuwe huru mbele yake kwani giza likizidi sana jua Mwanga unakaribia” nawatakia Maandalizi Mema ya Sikukuu ya Pasaka. Amesema Gervas Nyaisonga

Na Suzan Kanenka

Mkurugenzi wa Mawasiliano

Jimbo Katoliki Mpanda

Vijana msiwe kama Nyama ya Jokofu

VIJANA MSIWE KAMA NYAMA YA KWENYE JOKOFU ……………11/04/2019

“ Vijana legelege, wasiopenda kufanya kazi, wanaotegemea kutunzwa na wazazi wao muda huo umekwisha, fanyeni kazi kwa bidii ili muweze kutoka hapo mliposimama miaka yote”

Maneno hayo yamesemwa na Askofu wa Jimbo Katoliki la Mpanda na Rais wa Baraza la Maaskofu Katoliki Tanzania ambaye pia ni Askofu Mkuu wa Jimbo Kuu teule la Mbeya Mhashamu Baba Askofu Gervas Nyaisonga katika kongamano la vijana Jimboni Mpanda.

Kongamano hilo lililofanyika Parokia ya Kanisa Kuu Mpanda katika ukumbi wa Mikutano kuanzia tarehe 10-14.4.2019 lilifunguliwa rasmi na Mhashamu Baba Askofu sambamba na Mkurugenzi wa Vijana Jimbo Padre JohnBosco Misigalo ambaye pia ni Paroko wa Parokia ya Mamba liliwakutanisha vijana zaidi ya 200 kutoka Parokia 14 kati 16 za Jimbo.

Wakati wa Ufunguzi wa Kongamano hilo Mhashamu Baba Askofu alikumbushia majukumu ya vijana katika kanisa ambapo amesema kuwa “ Uzima wa Kanisa ni Vijana”, vijana hai hulijenga kanisa kwa majitoleo mbalimbali lakini kulijenga kanisa inategemeana na namna ambavyo vijana mnashiriki katika shughuli kwa ushirikiano, umoja , unyenyekevu na mahusiano mazuri. Haya yote hayawezi kufanikiwa ikiwa kijana atakuwa ametengeneza mazingira mabovu ya kujitegemea kama “NYAMA YA JOKOFU”.

Nyaisonga amesema ulimwengu wa sasa umejawa na vijana wengi wenye taaluma mbalimbali, wasomi, wajasiliamali na makundi mengine, “Tumieni ujuzi mliopewa na mwenyezi Mungu kwa kufanya kazi kwa bidii, kwa kufanya hivo mtazikomboa familia zenu na kanisa la Mungu. Amesema kama mwaka uliopita ulikwama mahali basi angalia namna ya kupiga hatua ndefu zaidi kufikia malengo, lakini katika yote mkumbuke kusali, kufanya toba ili maisha yenu yawe yanayompendeza Mungu siku zote.

Aidha amewapongeza vijana wote kwa moyo wa majitoleo kujitokeza kwa wingi kushiriki kongamano hilo pasi na changamoto zinawakabiri” nimefurahi sana kuwaona kwa wingi, sasa naamini Jimbo la Mpanda lina hazina kubwa hapo baadae, muendelee kuwa na moyo huo na siku zote mpende kushiriki kazi za kanisa kwani maisha ya hapa duniani ni ubatili Mtupu.

Mwisho : Mhashamu Baba askofu amewapongea kwa namna ya pekee vijana wakatoliki kote nchini wanaotumia vipawa walivyojaliwa na mwenyezi Mungu kufanya kazi za Kanisa bila kujali muda wanaopoteza na nguvu nyingi, “ lakini katika yote niwatie moyo yeyote afanyaye kazi kwa bidii hupata ujira wake, kwa kufanya kazi za kanisa mnajiwekea hazina isiyofutika mbinguni.

Nawatakia maandalizi mema ya Sikuku ya Pasaka , tukumbuke kufanya toba ili tufufuke pamoja na Yesu Mkombozi wa Miasha Yetu.

NA SUZAN KANENKA

MKURUGENZI WA HABARI

JIMBO KATOLIKI MPANDA

HABARI PICHA NA MATUKIO

HABARI PICHA NA MATUKIO: ZIARA YA ASKOFU WA JIMBO LA MPANDA GERVAS

NYAISONGA AKIPEANA MKONO WA BARAKA NA WAUMINI WA PAROKIA YA 

INYONGA......................UTAKUMBUKWA DAIMA

MTU WA WATU, GERVAS NYAISONGA, TUNAKUOMBEA DAIMA

KATIKA MISA TAKATIFU KIGANGO CHA UZEGA, MUNGU AWAONGOZE

KIPENZI CHA WATOTO "WAACHENI WAJE KWANGU MAANA UFALME NI WAO

AKIKABIDHI RISALA YA KAMATI YA MAENDELEO KWA BABA ASKOFU NA MKUU WA WILAYA

KAMATI YA MAENDELEO YA PAROKIA NA MH MKUU WA WILAYA KATIKA MLO WA JIONI

WAUMINI WA KIGANGO CHA ILINDE WAMPOKEA KWA SHANGE

MWENYEZI MUNGU AKUTANGULIE DAIMA KATIKA UTUME WAKO, KARIBU TENA PAROKIA YA INYONGA

WAUMINI WAPOKEE MABADILIKO

WAAMINI WAPOKEE MABADILIKO YA UONGOZI KAMA CHACHU YA MAENDELEO

Askofu wa Jimbo Katoliki la Mpanda ambaye pia ni Rais wa Baraza la Maaskofu Katoliki Tanzania na Askofu Mkuu wa Jimbo kuu Teule la Mbeya na Mhashamu Baba Askofu Gervas Nyaisonga amewataka waumini wa Kanisa Katoliki Parokia ya Inyonga kupokea mabadiliko ya Uongozi  kama ishara ya kupanua undugu na Kukuza Maendeleo.

Ameyasema hayo wakati wa maadhimisho ya Misa Takatifu Parokiani Inyonga,  wakati alipokuwa akitekeleza majukumu yake ya Kichungaji na kupata wasaa wa kuagwa na waumini wa Parokia kutokana na uteuzi aliopata wa kuwa Askofu Mkuu wa Jimbo Kuu la Mbeya mwishoni mwa mwezi wa 12, 2018.

Baba Askofu amesema “yatupasa kupokea mabadiliko mda wowote wa viongozi, kwa kuwa kanisa katoliki lina taratibu zake za hasa katika kuteua viongozi mbalimbali, kuteuliwa kwangu kuwe ni njia mojawapo ya kuongeza undugu baina yetu, najua waumini wengi walipokea taarifa hizi kwa mshtuko kidogo lakini niwatie moyo na jueni tuko pamoja katika uchungaji”

Ameongeza kuwa yatupasa kuwaombea viongozi wa kanisa ili waendelee kuifanya kazi ya kuchunga kondoo waliokabidhiwa, ushirikiano, upendo, uwe nguzo miongoni katika kutekeleza majukumu ya Kikanisa.  Amewasihi pia Makatekista kumsadia Paroko  kufundisha dini.

Licha ya yote amewataka wakristo kufanya toba ya ndani katika kipindi hiki cha Kwaresma ili kuwa karibu na Mungu, kujitoa kwa bidii kufanya kazi kanisa, kuwasaidia wahitaji mbalimbali waishio katika hali ngumu kiuchumi.

Misa Hiyo Takatifu ilihudhuliwa na baadhi ya viongozi wa Serikali akiwemo Mkuu wa Wilaya ya Mlele Mh Rachel Steven Kasanda ambaye pia alipata nafasi ya kusema yafuatao. “ Nipende kumshukuru Mungu kwa Kuwa na kiongozi ambaye anajua mahitaji ya waumini wake, nakuombea maisha marefu yenye amani hata uko uendeako tunaamini tuko pamoja, Mungu akujaalie Afya ya Roho na Mwili uendelee kulichunga kanisa na kondoo uliokabidhiwa. Pamoja na yote ninakutakia safari njema uendekao…

Mh Baba Askofu pia amewataka wazazi na walezi kuwapatia elimu watoto wao, “ wapelekeni watoto wenu shule wapate elimu na hatimae waje kuwa nguzo imara katika kulijenga taifa la Mungu na kujikomboa kutoka katika hali duni ya uchumi, msiwaozeshe watoto wangali wadogo, msiponze na ngombe wa vijisenti  vinavyopelekea mtoto kukosa haki zake za msingi, watoto ni sharti wapate elimu.

Mh Baba Askofu pamoja na mambo mengine amefungua rasmi Sala ya Jubilei ya Miaka 75 ya Ukristo Parokia ya Inyonga ambayo itaanza kutumika kwa ajili ya kuendelea kuiombea Parokia ya Inyonga hadi kilele cha maadhimisho ya Jubilei hiyo zinazotarajia kufanyika mapema mwezi wa nane mwaka huu.

Mwisho, ninawatakia Amani na Furaha siku zote , nasisitiza Upendo na Mshikamano miongoni mwetu, tusaidiane , tushauriane ili tuweze kufikia malengo tunayokusudia. Lakini kubwa zaidi tuwafundishe waamini wetu kuishi maisha ya utakatifu wangali duniani kwa njia ya kufanya toba.

TUMSIFU YESU KRISTO

NA Suzan Kanenka

Mkurugenzi wa Habari na Mawasiliano

Jimbo Katoliki la Mpanda